Արեգ Թադևոսյան
Գործադիր մարմնի անդամ
Կենսագրություն
Ծնվել է 1974թ. դեկտեմբերի 3-ին Երևանում:
1996թ. ավարտել է ԵՊՀ կենսբանության ֆակուլտետի կենսաֆիզիկայի բաժինը: 1999թ.՝ նույն ֆակուլտետի ասպիրանտուրան: 1999թ.պաշտպանել է թեկնածուական ատենախոսությունը մոլեկուլային կենսաբանություն և գենետիկա մասնագիտացմամբ:
Հեղինակել և համահեղինակել է բազմաթիվ հոդվածներ, ուսուցողական ձեռնարկներ և հետազոտական աշխատանքներ երիտասարդական աշխատանքի, քաղաքացիական կրթության, ոչ-ֆորմալ ուսուցման, անհատական զարգացման և միջմշակութային ուսուցման ոլորտներում:
1993թ.-ից մինչ օրս աշխատում է որպես երիտասարդական աշխատանքի մասնագետ, ուսուցանող, հետազոտող և խորհրդատու՝ տարբեր տեղական և միջազգային կամզակերպությունների, պետական և հասարակական կառույցների համար:
1995-2020 թթ. մասնակցել է ՀՀ երիտասարդական քաղաքականության մշակման և զարգացման գրեթե բոլոր հիմնական ծրագրերին, իրականացրել է Եվրախորհրդի մի շարք տարածաշրջանային հետազոտություններ: 2003թ.-2020թթ. հանդիսացել է «Թրեյներների Ազգային Թիմ» ՀԿ նախագահ:
Այժմ հանդիսանում է «Միջմշակութային Ուսումնասիրություններ և Զարգացում» ՀԿ նախագահը:
Քաղաքական գործունեություն
2011թ.-ից հանդիսանում է ՀՀ-ում սոցիալական ձեռնարկատիրության խթանող հիմնական փորձագետներից մեկը, ղեկավարել է այս ոլորտում իրականացվող 4 երկարաժաակետ և 5-ից ավել կարճաժամկետ ծրագրեր:
2018թ. նոյեմբերի 3-ին «Քաղաքացու որոշում» կուսակցության հիմնադիր համագումարում ընտրվել է Գործադիր մարմնի անդամ: 2020թ. կայացած համագումարում վերընտրվել է:
Հանդիսանում է «Համերաշխություն» կրթական-հետազոտական հիմնադրամի հոգաբարձուների խորհրդի անդամ: