Գոռ Հակոբյան
Գործադիր մարմնի քարտուղար
Կենսագրություն
Ծնվել է 02.12.1982թ., Վայոց Ձորի Եղեգնաձոր քաղաքում:
2000-2009թթ. սովորել է ԵՊՀ Քաղաքագիտության ֆակուլտետում՝ ստանալով բակալավրի, մագիստրոսի, այնուհետև՝ ասպիրանտի կոչում: Զուգահեռ սովորել է Երևանի Մեսրոպ Մաշտոցի անվան համալսարանում՝ ստանալով Իրավագիտության մագիստրոսի կոչում:
Մասնագիտացել է ժողովրդավարության զարգացման, կառավարման, քաղաքացիական կրթության, քաղաքացիական և պետական ինստիտուտների զարգացման, մարդու իրավունքների պաշտպանության, սոցիալական պաշտպանության ոլորտներում։ Աշխատել է Մարդու Իրավունքների և Ժողովրդավարության Ինստիտուտ ոչ կառավարական կազմակերպությունում որպես գործադիր տնօրեն, փոխնախագահ և նախագահ, միաժամանակ զբաղվել է ազատ փորձագիտական աշխատանքով։ Աշխատել է որպես քաղաքական վերլուծաբան տեղական և միջազգային կազմակերպություններում։
Զբաղվել է նաև անհատ ձեռնարկատիրությամբ։
Շարունակելով ազատ փորձագիտական աշխատանքը՝ 2018թ-ից սկսել է աշխատել հայաստանյան մասնավոր ընկերություններից մեկում՝ որպես շինարարական աշխատանքների ղեկավար։
Քաղաքական գործունեություն
Մասնակցել է մի շարք քաղաքացիական նախաձեռնությունների և պայքարների։ 2018թ. նոյեմբերի 3-ին «Քաղաքացու որոշում» կուսակցության հիմնադիր համագումարում ընտրվել է Գործադիր մարմնի անդամ:
2020թ. կայացած համագումարին ընտրվել է Գործադիր մարմնի քարտուղար: