Միքայել Նահապետյան
Գործադիր մարմնի անդամ
Կենսագրություն
Ծնվել է 1996թ․ դեկտեմբերի 3-ին Երևանում։
2014-2018 թթ. սովորել է ԵՊՀ Աշխարհագրության և երկրաբանության ֆակուլտետում։ 2015-2017 թթ. աշխատել է որպես աշխարհտեղեկատվական համակարգերի մասնագետ:
2016-2018թթ․ զբաղվել է թվային քարտեզագրության աշխատանքներով։ 2019-2020թթ. եղել է անհատ ձեռնարկատեր՝ զբաղվել խորհրդատվական ծառայությունների մատուցմամբ։
2020թ.-ից առ այսօր աշխատում է մասնավոր կազմակերպությունում՝ որպես ԱՏՀ մասնագետ։
Քաղաքական գործունեություն
2015թ. Էլեկտրիկ Երևան շարժումից հետո ներգրավվել է քաղաքացիական շարժումներում:
2018 թ. հունիսի 8-ին նշանակվել է փոխվարչապետ Տիգրան Ավինյանի օգնական։ 2018թ. նոյեմբերի 1-ին՝ ընտրական օրենսգրքի տապալումից հետո սեփական դիմումի համաձայն ազատվել է զբաղեցրած պաշտոնից՝ վկայակոչելով կառավարության հանձնառության տապալումը։
2018թ. նոյեմբերի 3-ին «Քաղաքացու որոշում» ՍԴԿ հիմնադիր համագումարում ընտրվել է կուսակցության գործադիր մարմնի անդամ։ 2020թ. կայացած համագումարում վերընտրվել է: